by 
सर्वांना प्रश्न पडतो की ब्लॉग म्हणजे काय तर ब्लॉक म्हणजे काय आपण सर्वप्रथम समजून घेतले पाहिजे. आपण जे कागदावर लिहितो ते लेख आणि जे डिजिटल माध्यमात लेखन करून आर्थिक कमाई करतात त्याला ब्लॉगिंग असे म्हटले जाते. ब्लॉगिंग करण्यासाठी अनेक गोष्टींची आपल्याला गरज आहे त्यापैकी सर्वात महत्त्वाचे म्हणजे आपल्याकडे कम्प्युटर लॅपटॉप किंवा मोबाईल असणे फार गरजेचे आहे याशिवाय ऑनलाइन प्लॅटफॉर्म निवडणे देखील फार महत्त्वाचे असते जसे की वर्डप्रेस ब्लॉगर आणि अन्य अनेक वेबसाईट आहेत. ज्यावर तुम्ही ब्लॉगिंग करू शकता आणि आर्थिक कमाई करू शकता. ब्लॉग लिहिण्यासाठी सर्व साधारणपणे आपल्याला लिहिण्याचे कौशल्य आवश्यक आहे. ज्या विषयावर तुम्हाला लिहायचे असेल त्या विषयाचे सखोल ज्ञान आणि विषयाची माहिती देखील आवश्यक असते. अशावेळी आपण अनेक साधनांचा वापर करून माहिती संग्रह करू शकतो.
ब्लॉग लिहिण्याचे अनेक फायदे आहेत
ब्लॉग लिहून तुम्ही तुमचे विचार, सर्जनशीलता आणि ज्ञान व्यक्त करू शकता
.ब्लॉग लिहिताना, तुम्हाला अभ्यास आणि संशोधन करण्याची संधी मिळते, ज्यामुळे तुमचे ज्ञान वाढते.
तुमचा ब्लॉग तुमचे व्यक्तिमत्व प्रतिबिंबित करू शकतो, जो तुमच्या वाचकांना तुमच्याशी जोडण्यात मदत करू शकतो.
तुमच्या ब्लॉगद्वारे तुम्ही तुमचे विचार समाजात मांडू शकता आणि त्या दृष्टीकोनांमध्ये बदल घडवून आणू शकता.
ब्लॉग लिहिणे तुमच्या वैयक्तिक ब्रँड आणि व्यावसायिक विकासासाठी मदत करू शकते.
तुम्ही तुमच्या ब्लॉगवर कमाई करून ऑनलाइन कमाई करू शकता, जसे की जाहिरातींद्वारे किंवा डिजिटल उत्पादने विकून.
जर तुमचे ब्लॉग तुमच्या क्षेत्रात प्रसिद्ध झाले तर तुम्हाला नोकरी आणि व्यावसायिक संधी मिळू शकतात.
या फायद्यांसह, ब्लॉगिंग आपल्या वैयक्तिक आणि व्यावसायिक विकासामध्ये महत्त्वपूर्ण भूमिका बजावू शकते.
ब्लॉग लिहिण्यासाठी काही महत्त्वाच्या स्टेप आपण आता समजून घेऊया.
1. विषय निवडा : तुमच्या आवडीनुसार आणि ज्ञान क्षेत्रानुसार विषयांपैकी एक निवडा.
उदाहरणार्थ : घरबसल्या आर्थिक कमाई कशी करावी?
2. शीर्षक :आकर्षक आणि सुंदर शीर्षक निवडा, जे तुमच्या ब्लॉगचा अर्थ प्रकट करते.
3. परिचय : तुमच्या ब्लॉगची सुरुवात मनोरंजक असावी, जी वाचकाचे लक्ष वेधून घेईल.
4. मुख्य भाग : तुमच्या कल्पना स्पष्टपणे मांडा, उदाहरणे द्या आणि उपयुक्त माहिती द्या.
5. फोटोचा वापर : दृश्य आकर्षण वाढविण्यासाठी प्रतिमा वापरा.
6. संपादन : तुमचा लिखित ब्लॉग पुन्हा वाचा, त्रुटी सुधारा आणि रचना सुधारा.
7. SEO लक्षात ठेवा : तुमचा ब्लॉग शोध इंजिनमध्ये दिसण्यासाठी योग्य कीवर्ड आणि विषय वापरा.
8. निष्कर्ष : ब्लॉगच्या शेवटी एकूण तुमच्या लेखनाचा सारांश किंवा काय बोध घ्यायचा आहे किंवा काय उपाय सांगायचे असतील किंवा महत्त्वाची गोष्ट सांगायची असेल ते शेवटी मांडावी.
