by
चंद्रपूर/प्रतिनिधी:
चंद्रपूर लोकसभा मतदारसंघासाठी 11 एप्रिल रोजी मतदान होणार असून मतमोजणी 23 मे रोजी होणार आहे.
आज दिनांक 9 एप्रिलला सायंकाळी 6.00 वाजता प्रचाराच्या तोफा थंडवणार असून चंद्रपूर मतदारसंघांमध्ये रोज गुरुवारला मतदान प्रक्रिया पार पडणार आहे. या लोकसभा मतदारसंघांमध्ये 13 उमेदवारांमध्ये लढत होणार असून होणाऱ्या मतदानाची मतमोजणी 23 मे 2019 रोजी महाराष्ट्र राज्य वखार महामंडळ गोडाऊन, एमआयडीसी प्लॉट नं. बी-35 एमआयडीसी परिसर, चंद्रपूर येथे होणार आहे. मतमोजणी सकाळी 8.00 वाजेपासून सुरू होणार असल्याने सर्व उमेदवारांनी यांची नोंद घ्यावी, अशी सूचना जिल्हाधिकारी तथा जिल्हा निवडणूक निर्णय अधिकारी डॉ. कुणाल खेमनार यांनी केली आहे.
