by 
मूल- तालुक्यातील मोरवाई-बेलघाटा रोडला लागून असलेल्या शेतात काम करीत असतांना अचानक वाघाने हल्ला केला. सरिता श्रीकृष्ण पाल वय 34 वर्षे राह. मोरवाई ता. मूल असे म्रूतक महिलेचे नाव असून आपल्या शेतात सरिता एकटीच काम करीत होती. वाघाने सरीतावर हल्ला केला त्यावेळी शेजारचा शेतात इतर महीला काम करीत होत्या. परंतु केवळ महीलाच असल्याने त्यासगळ्या घाबरून गेल्या. वाघाने अचानकपणे हल्ला केल्याने स्वाबचावासाठी सरिताला संधीच मिळाली नाही. तिने आरडाओरडा केला. मोरवाई-बेलघाटा रस्त्याचे काम सुरू आहे. रस्त्याचा कामावर असलेल्या मजुरांना सरीताचा ओरडण्याच्या आवाज आला. ते सगळे आवाजाचा दिशेने धावत गेले. मात्र तो पर्यंत वाघाने सरीताचे प्राण घेतले. लोक धावून आल्याने वाघ तिथून पळून गेला. मोरवाई गावाला जंगल लागुन असल्याने वाघासह इतरही हिंस्त्र प्राण्यांचा नेहमीच वावर असतो. म्रूतक महिलेचा पती ट्रक्टरवर हमालीचे काम करतो.
