by व्याहाड गावाजवळ नर कोल्ह्याचा अज्ञात वाहनाच्या धडकेत अपघाती मृत्यू,
डिसेंबर महिन्यात ह्याच महामार्गावर अजयपूर येथे एका मादी कोल्हीचा मृत्यू झाला होता.
कोल्ह्याचा जोडीदार जीवनभर एकच असतो, विनीच्या हंगामात नर मादिला संरक्षण देतो, विनीचा काल ऑक्टोबर डिसेंबर महिन्यात असतो व गर्भधारणा ६३ दिवसांचा कालावधी घेतात त्याच काळात कोल्ह्याचा अपघातात मृत्यू झाला
वाघांचे भ्रमणमार्ग सुरक्षित राहावे ह्याच्यासाठी सर्व वन्यजीव प्रेमी वनविभाग प्रयत्न करतांना दिसतात पण जंगलाचा भाग नसलेला, शेतीचा गवताळ भागात असलेल्या भागात कोल्हा ,लांडगा , खोकड, तडस ह्या प्राण्याचा सुद्धा विचार करणे गरजेचे असल्याचे चित्र आपण स्पष्ट बघत आहो, आणि तसे नियमावली आहे सुद्धा पण NH -९३० बांधत असतांना ना NHAI ना वनविभागानी ह्या प्राण्यांसाठी ऍग्रीकल्चर फील्ड मधून रस्ता जात असला तरी उपशमन योजना राबवली नाही, त्याचे आज गंभीर परिणाम ह्या मुक्या वन्यप्राण्यांवरती पडत आहे, असे असंख्य वन्यप्राणी रस्त्यावरती मरतात, जाणारे येणारे लोक बघून दुर्लक्ष करतात, पण त्यांना हि माहिती वनविभागाला द्यावी किंवा वन्यजीव संस्थांना द्यावी असं त्यांना गरजेचं वाटत नाही पण तोच वाघ , बिबट जर असता तर मात्र गर्दी झाली असती.
आपण समतोल राखण्यात पावलोपावली अपयशी ठरत आहोत, आपण लोकसंख्या वाढत आहे म्हणून विकासाच्या नावावर मोठमोठे रस्ते बनवत आहो पण वन्यप्राण्यांचा विचार हा फक्त जंगल जिथे आहे तिथेच केला जातो, जंगल नसलेल्या ठिकाणच्या वन्यप्राणीच काय? हा एक गंभीर प्रश्न निर्माण होतो म्हणून हॅबिटॅट कंझर्वेक्षण सोसायटी वतीने महामार्ग प्रशासन वनविभाग यांना ऍग्रीकल्चर फील्ड मध्ये सुद्धा उपशमन योजना राबवावी हि विनंती करण्यात आली आहे.
घटनेची माहिती वनविभागाचे सावली चे वनपरिक्षेत्र अधिकारी वीरूटकर यांना देण्यात आली त्यांनी घटनास्थळी त्यांचे क्षेत्र सहाय्यक श्री.चौधरी यांना पाठवले.
