by 
भद्रावती/ प्रतिनिधी :
जिल्ह्यातील ट्रॅव्हल्स कंपनीच्या बसमधून 8 लाख 30 हजारांची रक्कम जप्त करण्यात आली आहे. वरोरा येथील तंबाखू विक्रेते आणि महाराष्ट्र राज्य लॉटरी चे विक्रेता अनिल फुलचंद शर्मा यांच्याकडून ही रक्कम जप्त करण्यात आली आहे.
निवडणुकीच्या काळामध्ये गरजेपेक्षा जास्त रक्कम जवळ बाळगल्यास त्या रकमेबाबत चौकशी करण्यात येत आहे. वरोरा येथून नागपूरकडे जाणाऱ्या ट्रॅव्हल्स मधून संशयास्पद रक्कम नेली जाणार असल्याची माहिती वरोरा पोलिसांना मिळाली होती. या माहितीच्या आधारे वरोरा पोलिसांनी खाबांडा भागात ही बस अडवली आणि त्याची तपासणी केली. तपासणीदरम्यान अनिल शर्मा यांचेकडे ही रक्कम आढळून आली. ही रक्कम जप्त करण्यात आली असून पुढील तपास सुरू करण्यात आला आहे.
