by सकाळ वृत्तसेवा
Friday, June 04, 2010 AT 01:30 AM (IST)
Tags: chandrapur, power project, solar energy
चंद्रपूर - विजेची वाढती टंचाई, भारनियमनाचा त्रास आणि वीजबिलांमध्ये होणारा अपव्यय टाळण्यासाठी सौरऊर्जा प्रकल्प उभारण्याचा मानस नगरपालिकेने ठेवला आहे. या प्रकल्पातून एक मेगावॉट वीजनिर्मिती करण्यात येईल. या कामाला प्रत्यक्ष सुरवात झाली नसली तरी पालिकेच्या स्थायी बैठकीने त्यास मंजुरी दिल्याची माहिती आहे.
नगरपालिकेला वीजबिलापोटी वर्षाकाठी दीड कोटी रुपयांची रक्कम भरावी लागते. त्यातच वारंवार होणाऱ्या भारनियमनामुळे प्रशासकीय कामकाजात अडथळा निर्माण होत असतो. पालिकेला प्रशासकीय इमारत, नगरपालिका शाळा, रस्त्यावरील वीजदिवे, ट्रॅफिक सिग्नल यांचेही बिल भरावे लागते. या सर्वांसाठी मोठा खर्च होत असल्याने तिजोरीला चुना लागत आहे. हा खर्च कमी करण्याच्या दृष्टीने कमी खर्चात जास्त काळ टिकणारा सौरऊर्जा प्रकल्प साकारण्याचा निर्णय घेण्यात आला आहे. बाबूपेठ बायपास मार्गावरील सहा एकर जागाही त्यासाठी निर्धारित करण्यात आली आहे. ही योजना १५ ते १६ कोटी रुपयांच्या खर्चाची आहे.
सुवर्णजयंती नगर पुनरुत्थान योजनेतून हे काम हाती घेण्यात येईल. ही योजना सुरू झाल्यास एक मेगावॉट वीज उपलब्ध होणार आहे. त्यात पालिका इमारत आणि रस्त्यावरील वीजदिवे लावण्यात येणार आहेत. या योजनेचा प्रस्ताव शासनाकडे पाठविण्यात येणार असून, मंजुरी मिळाल्यानंतर प्रकल्प साकारण्यात येईल.
Friday, June 04, 2010 AT 01:30 AM (IST)
Tags: chandrapur, power project, solar energy
चंद्रपूर - विजेची वाढती टंचाई, भारनियमनाचा त्रास आणि वीजबिलांमध्ये होणारा अपव्यय टाळण्यासाठी सौरऊर्जा प्रकल्प उभारण्याचा मानस नगरपालिकेने ठेवला आहे. या प्रकल्पातून एक मेगावॉट वीजनिर्मिती करण्यात येईल. या कामाला प्रत्यक्ष सुरवात झाली नसली तरी पालिकेच्या स्थायी बैठकीने त्यास मंजुरी दिल्याची माहिती आहे.
नगरपालिकेला वीजबिलापोटी वर्षाकाठी दीड कोटी रुपयांची रक्कम भरावी लागते. त्यातच वारंवार होणाऱ्या भारनियमनामुळे प्रशासकीय कामकाजात अडथळा निर्माण होत असतो. पालिकेला प्रशासकीय इमारत, नगरपालिका शाळा, रस्त्यावरील वीजदिवे, ट्रॅफिक सिग्नल यांचेही बिल भरावे लागते. या सर्वांसाठी मोठा खर्च होत असल्याने तिजोरीला चुना लागत आहे. हा खर्च कमी करण्याच्या दृष्टीने कमी खर्चात जास्त काळ टिकणारा सौरऊर्जा प्रकल्प साकारण्याचा निर्णय घेण्यात आला आहे. बाबूपेठ बायपास मार्गावरील सहा एकर जागाही त्यासाठी निर्धारित करण्यात आली आहे. ही योजना १५ ते १६ कोटी रुपयांच्या खर्चाची आहे.
सुवर्णजयंती नगर पुनरुत्थान योजनेतून हे काम हाती घेण्यात येईल. ही योजना सुरू झाल्यास एक मेगावॉट वीज उपलब्ध होणार आहे. त्यात पालिका इमारत आणि रस्त्यावरील वीजदिवे लावण्यात येणार आहेत. या योजनेचा प्रस्ताव शासनाकडे पाठविण्यात येणार असून, मंजुरी मिळाल्यानंतर प्रकल्प साकारण्यात येईल.
