by
चंद्रपूर(खबरबात):
वाघांसाठी प्रसिद्ध असलेल्या ताडोबात दाब धरून बसलेल्या वाघाने व्याघ्रगणनेची पूर्वतयारी करण्यासाठी कोअर क्षेत्रात गेलेल्या वनरक्षक स्वाती ढुमणे यांच्यावर हल्ला करीत जागीच ठार केले . ताडोबा जंगलातील कोअर झोनमध्ये शनिवारी सकाळी आठ वाजताच्या सुमारास ही घटना घडली. या घटनेमुळं वनकर्मचाऱ्यांमध्ये भीतीचं वातावरण निर्माण झालंय.
हा वाघ पानवठ्याजवळ दबा धरून बसला होता. महिला वनरक्षक स्वाती ढुमणे (वय 43) या चार वनमजुरांसोबत आज सकाळीच कोलारा कोअर झोनच्या कक्ष क्र. 97 मध्ये गेल्या. तिथं वॉटर होलजवळ पाणी आहे की, नाही याची पाहणी त्या करीत होत्या. दरम्यान, पाणवठ्याजवळ दबा धरून बसलेल्या वाघानं त्यांच्यावर हल्ला केला. स्वाती यांना पकडून ओढत जंगलात नेले. सोबत असलेल्या वनमजुरांनी वाघाला हुसकवण्याचा प्रयत्न केला. पण, तोपर्यंत स्वाती यांना वाघानं ठार केलं होतं.
घटनेची माहिती मिळताच वरिष्ठ अधिकाऱ्यांनी फौजफाटा बोलावली आणि शोधमोहीम सुरू केली. केल्यावर स्वाती यांचा मृतदेह जंगलात सापडला. सध्या व्याघ्रगणनेसाठी देशातील सर्वच जंगलात वनविभागाच्या वतीने पूर्वतयारी केली जात आहे. त्याचाच एक भाग म्हणून स्वाती या कोअर झोनमध्ये गेल्या होत्या.स्वाती ढुबळे या महिला वनरक्षक मागील वर्षी विरुर वनपरिक्षेत्रातून बदली होऊन ताडोबात आल्या होत्या. त्यांना दोन लहान मुल आहेत.
या घटनेवरून वनकर्मचाऱ्यांना आता मोठ्या चतुराईने जंगलात काम करावे लागणार आहे.
