by 
हैद्राबाद येथील घटनेची पुनरावृत्ती
प्रमोद पाणबूडे:
वर्धा जिल्ह्यातील हिंगणघाट शहरात हैदराबाद येथील घटनेची पुनरावृत्ती झाली असून शहरातील नंदोरी चौकात दोन तरुणांनी दुचाकीने येऊन शाळेत शिकवणीसाठी जात असलेल्या शिक्षिकेच्या अंगावर पेट्रोल टाकून तिला जिवंत जाळण्याचा प्रयत्न केला.ही घटना सोमवारी सकाळी ७.२० घडली.
यात शिक्षीका गंभीर जखमी झाली असून तिला उपचारासाठी नागपूर येथे हलविण्यात आले आहे. आरोपी तरुणांचे नाव विकास विवेक नगराळे दरोडा व त्यांचा एक मित्र असे आहे. हे दोन्ही घटनेनंतर फरार झाले.
शिक्षीकाही शहरातील तुळसकर काॅलेज मध्ये शिकविन्यासाठी जाते, हे विकृत मानसिकतेचे दोन तरुण आले व तिच्या सोबत शाब्दिक वाद घालु लागले,त्यानंतर तिच्या अंगावर पेट्रोल टाकून तिला जाळून आरोपी फरार झाले.
घटनेची माहिती मिळताच पोलिसांनी घटनास्थळ गाठून पंचनामा केला पुढिल पोलिस तपास सुरू आहे. या घटनेने शहरात एकच खळबळ निर्माण झाली आहे. या घटनेनंतर वर्धा जिल्ह्यातील संपूर्ण महिला व मुलींच्या सुरक्षेचा प्रश्न पुन्हा एकदा ऐरणीवर आला आहे.
