by 
वीज खांबावरून खाली उतरण्यास अडथळा आणला
नागपूर/प्रतिनिधी:
थकबाकीदार वीज ग्राहकाचा वीज पुरवठा खंडित केल्याने चिडलेल्या ग्राहकाने महावितरणच्या पथकाला धक्काबुक्की करून शिवीगाळ केली. महावितरणच्या पथकाला धक्काबुक्की केली म्हणून वीज ग्राहकाच्या विरोधात कोतवाली पोलिसांनी गुन्हा दाखल केला आहे.
महाल, किल्ला परिसरातील मो. अयुब खान सुजाद खान या वीज ग्राहकाने मागील एक वर्षांपासून वीज देयकाची रक्कम भरली नव्हती. या वीज ग्राहकाकडे १ लाख २९ हजार रुपयांची थकबाकी झाली होती. महावितरणकडून थकबाकीची रक्कम वसूल व्हावी यासाठी सतत पाठपुरावा सुरु होता. पण वीज ग्राहक मो. अयुब खान सुजाद खान दाद देत नव्हता. महावितरणकडून थकबाकीची रक्कम न भरल्यास वीज पुरवठा खंडित करण्याची नोटिस अगोदर वाजवण्यात आली होती. आज महावितरणचे तुळशीबाग उप विभागाचे अतिरिक्त कार्यकारी अभियंता प्रसन्न श्रीवास्तव, शुक्रवारी शाखा कार्यालयाचे सहायक अभियंता मनिष वाकडे, तंत्रज्ञ मनीषा बोरकर, राकेश शिवणकर, दिलीप वैद्य, वसंत रामटेके, योगेंद्र मेश्राम, देवराव राहाटे हे किल्ला परिसरात थकबाकीदार वीज ग्राहकांकडून थकबाकीची रक्कम वसूल करीत होते.
वीज ग्राहकाच्या या कृत्याविरोधात महावितरणकडून कोतवाली पोलीस ठाण्यात तक्रार करण्यात आली. कोतवाली पोलिसांनी वीज ग्राहकाच्या विरोधात भादंवि ३५३,३३२,५०४, ५०६,३४ कलमानुसार गुन्हा दाखल केला आहे.
