by
ब्रह्मपुरी/प्रतिनिधी:
वाघाच्या वाढत्या हल्ल्यांमुळे त्रस्त झालेल्या ब्रह्मपुरी तालुक्यातील विविध गावातून आलेल्या शेतकऱ्यांनी श्रमिक एल्गारच्या अध्यक्ष पारोमिता गोस्वामी यांच्या नेतृत्वात ब्रह्मपुरी वन विभागाच्या कार्यालयावर ठिय्या आंदोलन सुरू केलेला आहे.
ब्रह्मपुरी तालुक्यात मागील महिनाभरापासून वाघाचा धुमाकूळ सुरू आहे यात चार-पाच गावातील आसपासच्या परिसरात एक वाघीण आपल्या बछडे घेवून फिरत आहे. त्यामुळे शेतकऱ्यांना भयभीत होऊन जगावे लागत आहे. गेल्या महिनाभरातअनेक बळी गेले. जख्मी झाले. वाघाच्या दहशतीमुळे तेन्दुपान, मोहफ़ुल हंगाम हातून गेला. त्यामूळे त्रस्त झालेल्या नागरिकांनी ब्रह्मपुरी वन विभागाच्या कार्यालयावर ठिय्या आंदोलन सुरू केले आहे सायंकाळी पाच वाजेपासून हे आंदोलन सुरू असून अजून पर्यंत अधिकाऱ्यांनी दखल घेतली नाही..
ब्रह्मपुरी तालुक्यातील परसोडी, तुकुम, गणेशपुर, रामपुरी, एकरा येथील शेकडो शेतकरी उपस्थित होते.
