by 
एकाच शाळेत किमान ३ वर्ष
नागपूर / अरूण कराळे
जिल्हयातील एकूण सेवा किमान १० वर्षे व विद्यमान शाळेत किमान ३ वर्षे सेवा झाल्याशिवाय जिल्हा परिषद शिक्षक बदलीस पात्र ठरणार नाही असा शासन आदेश पारीत झाला आहे . त्यामुळे जि.प. शिक्षकांनी सुटकेचा श्वास सोडला आहे .
यापूर्वी जिल्ह्यात १० वर्षे सेवा झालेला शिक्षक दरवर्षी बदलीसाठी पात्र ठरत असल्याने सदर बदली धोरणात बदल करण्याची मागणी सर्व शिक्षक संघटनांनी लावून धरली होती पण शासनाने काहीच प्रतिसाद दिलेला नव्हता.
शेवटी कोर्टानेच शासनाचे कान टोचले व बदल करण्यास भाग पाडले आहे.
परंतु सदर बदल विशेष संवर्ग १ व २ मधील शिक्षकांसाठी सुदधा लागू आहे किंवा नाही याबद्दल संभ्रम निर्माण करणारा आहे. सदर संभ्रम दूर करून शासनाने शिक्षकांना दिलासा द्यावा, अशी मागणी महाराष्ट्र नवनिर्माण शिक्षक शिक्षकेत्तर सेनेचे राज्य सरचिटणीस शरद भांडारकर यांनी केली आहे.
