by
उमेश तिवारी/कारंजा(घाडगे) वर्धा:
सावरगाव वरून काटोल मार्गी आपल्या दुचाकीने बांगडापूर येथे जातांना नियंत्रण सुटल्याने दुचाकी स्वार असलेल्या दोन जणांचा जागीच मृत्यू झाल्याची घटना मंगळवारी रात्री १०.३० वाजताच्या दरम्यान धर्ती गावाजवळ घडली.दुचाकीस्वराचे नियंत्रण सुटल्याने गाडी थेट धर्ती गावाजवळील पुलावर जावून धडकली.
MH.32.F.7231 या वाहनाने दोघेही आपल्या गावाकडे जात होते.यात रामभाऊ मारोती धाडसे रा. बांगडापूर जागीच ठार झाले तर दुसरा विवेक लक्ष्मण कन्नाके याला जखमी अवस्थेत कारंजा ग्रामीण रुग्णालयात आणले असता त्यांचा उपचारा दरम्यान मृत्यू झाला.हे दोघेही बांगडापूर येथील रहिवासी आहेत.पुढील तपास कारंजा पोलीस करीत आहेत.
