गुरुवार, नोव्हेंबर ०९, २०१७

राष्ट्रवादी काँग्रेसचे जयवंत सुतार यांची नवी मुंबईच्या महापौरपदी निवड

नवी मुंबई – नवी मुंबईच्या महापौरपदी राष्ट्रवादी काँग्रेस पक्षाचे जयवंत सुतार यांची निवड झाली आहे. आज पार पडलेल्या महापौर आणि उपमहापौरपदासाठीच्या निवडणुकीत सुतार यांना ६७ मते मिळाली. तर, शिवसेनेचे सोमनाथ वास्कर यांना केवळ ३८ मते मिळाली. सुतार हे नवी मुंबईचे १३ वे महापौर म्हणून आपला कारभार पाहणार आहेत. तर उपमहापौरपदी काँग्रेसच्या अधिकृत उमेदवार मंदाकिनी म्हात्रे या निवडून आल्या आहेत. म्हात्रे यांना एकूण ६४ मते मिळाली. उपमहापौरपदाच्या निवडणुकीत शिवसेनेचे द्वारकानाथ भोईर यांना ३८ मते मिळाली.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.