by 
जिल्हाधिकारी सचिन कुर्वे यांनी उपराष्ट्रपती व्यंकय्या नायडू यांच्या दौऱ्यासंदर्भात व्यवस्थेचा आढावा घेतला. उपराष्ट्रपती यांचे आगमन तसेच रेशीमबाग येथील अग्रोव्हिजन प्रदर्शन उद्‌घाटन कार्यक्रमा संदर्भात आयोजन समिती, पोलिस, महसूल, विमानतळ प्राधिकरण, मिहान, आरोग्य, अन्न व औषधीद्रव्य, माहिती व जनसंपर्क विभागाकडे सोपविण्यात आलेल्या जबाबदाऱ्या संदर्भात वरिष्ठ अधिकाऱ्यांना सूचना दिल्यात. यावेळी निवासी उपजिल्हाधिकारी के.एन.के. राव, स्वागत अधिकारी तथा उपजिल्हाधिकारी प्रकाश पाटील, आरोग्य उपसंचालक डॉ. संजीव जयस्वाल, जिल्हा शल्यचिकित्सक हेमंत निंबाळकर, अग्रोव्हिजनचे रमेश मानकर, एअर इंडियाचे वसंत घोरडे, उपविभागीय महसूल अधिकारी बाळासाहेब कोळेकर, उपजिल्हाधिकारी शिरीष पांडे, रवींद्र खजांजी, राजभवनचे वरिष्ठ अधिकारी रमेश येवले होते.
