by 
मुख्याध्यापक संघाचा उपक्रम
निफद्रा (रविंद्र कुडकावार )-मार्च 2023 च्या एस. एस. सी परीक्षेत तालुक्यातील प्रथम व एच. एच. सी परीक्षेत कला, वाणिज्य, व विज्ञान शाखेतून प्रथम आलेल्या विद्यार्थ्यांचा सत्कार सोहळा माध्यमिक व उच्च. माध्यमिक शाळा मुख्याध्यापक संघ चंद्रपूर जिल्हा व सावली तालुका मुख्याध्यापक संघाच्या वतीने मार्केडेय विद्यालय बोथली येथे आयोजित करण्यात आला होता. कार्यक्रमाच्या अध्यक्षस्थानी इंदिरा गांधी विद्यालयाचे प्राचार्य विलास लोखंडे, विशेष अतिथी म्हणून सावली पंचायत समितीचे गटशिक्षणाधिकारी लोकनाथ खंडारे, प्रमुख अतिथी म्हणून रमाबाई आंबेडकर विद्यालयाचे प्राचार्य शेंडे प्रामुख्याने उपस्थित होते.
याप्रसंगी एस. एस. परीक्षेत प्रथम नवभारत विद्यालय व्याहाड बुज ची रेहाणी प्रवीण कोहळे,एच. एच. सी परीक्षेत विज्ञान शाखेतून प्रथम माऊंट जुनिअर कॉलेज सावली चा पारस प्रमोद मेडपल्लीवर,कला शाखेतून प्रथम विश्व शांती विद्यालय सावली ची प्रतीक्षा काशिनाथ शेरकी, ,वाणिज्य शाखेतून प्रथम विश्व शांती कनिष्ठ महाविद्यालय सावली ची आचल नंदकिशोर गोंगले यांना प्रशस्तीपत्र, स्मृती चिन्ह, पुष्पगुच्छ देऊन सत्कार करण्यात आला.कार्यक्रमाचे प्रास्ताविक सावली मुख्याध्यापक संघांचे अध्यक्ष प्राचार्य परशुराम समर्थ, संचालन मुख्याध्यापक किरण खोब्रागडे तर आभार सचिव मुख्याध्यापक रविंद्र कुडकावार यांनी. मानले. यावेळी तालुक्यातील मुख्याध्यापक उपस्थित होते.
