by वसंतराव नाईक सामाईक पुरस्कारासाठी विदर्भ नेचर कॉन्झर्वेशन सोसायटीची निवड
नागपूर :- महाराष्ट्राचे माजी मुख्यमंत्री के. वसंतराव नाईक यांचा ११० वा जन्मदिन व कृषिदिनानिमित्त दिनांक १ जुलै रोजी कृषी, फलोत्पादन, भाजीपाला उत्पादन, पशुसंवर्धन व दुग्ध व्यवसाय, कृषि प्रक्रिया उद्योग, जलसंधारण, कृषि साहित्य, कृषि पत्रकारिता, कृषि उत्पन्न निर्यात, फुलशेती इत्यादी क्षेत्रात उल्लेखनीय कामगिरी करणाऱ्या संस्थांना व प्रगतीशील शेतकऱ्यांना पुरस्कार प्रदान करण्यात येणार आहेत. यातील वसंतराव नाईक सामाईक पुरस्कारासाठी विदर्भ नेचर कॉन्झर्वेशन सोसायटी या संस्थेची निवड करण्यात आली आहे. याप्रसंगी दक्षिण आशिया जैविक तंत्रज्ञान संस्थेचे अध्यक्ष मा. अध्यक्ष डॉ. चारुदत्त माई यांच्या हस्ते हे पुरस्कार प्रदान करण्यात येणार आहेत.
शाल, श्रीफळ, स्मतिचिन्ह व रु.१,००,०००/- रोख रक्कम असे या पुरस्काराचे स्वरुप आहे. सदर कार्यक्रम यशवंतराव चव्हाण सेंटर, जगन्नाथ भोसले मार्ग, मुंबई येथे सायंकाळी ५ वाजता आयोजित करण्यात आला आहे.
