by निलज येथे शनिवारी आरोग्य तपासणी व मार्गदर्शन आयोजन
शहर प्रतिनिधी ब्रम्हपुरी:
ब्रम्हपुरी तालुक्यातील निलज येथे 11 फेब्रुवारीला ग्रामपंचायत च्या वतीने तथा अनुसया मॅटर्निटी सर्जिकल अँड नर्सिंग होम आरमोरीच्या सहकार्याने आरोग्य तपासणी व मार्गदर्शन शिबिराचे आयोजन केले आहे.
निलज येथील ग्रामस्थांच्या आरोग्याच्या दृष्टीने ग्रामपंचायतच्या वतीने गावातच नागरिकांची आरोग्य तपासणी व्हावी व रोगावर उपचार व्हावा तसेच गावातील आजाराविषयी माहिती मिळावी याकरिता आरोग्य तपासणी व मार्गदर्शन शिबिराचे आयोजन 11 फेब्रुवारीला दुपारी बारा ते तीन या दरम्यान जिल्हा परिषद शाळेच्या प्रांगणात करण्यात आले आहे .
अनुसया मॅटर्निटी सर्जिकल अँड नर्सिंग होम (Anusaya Maternity Surgical & Nursing Home) आरमोरीच्या महिला रोग तज्ञ डॉ. शिलू चिमुरकर व आरमोरी येथील प्रसिद्ध डॉ. महेश कोपुलवार हे शिबिरातील रुग्णांची तपासणी करणार आहेत. निलज येथील नागरिकांनी आरोग्य तपासणी शिबिराचा लाभ घेण्याचे आवाहन ग्रामपंचायत च्या वतीने करण्यात आले आहे.
