संजीव बडोले प्रतिनिधी.
नवेगावबांध दि.२७ जानेवारी:-येथील भारतिय जनता पक्षाचे जेष्ठ नेते, जिल्हा संपर्क प्रमुख, भाजपाचे जेष्ठ मार्गदर्शक अर्जुनी मोर. तालुका भाजपा चे माजी अध्यक्ष, नवेगांवबांध ग्रामपंचायत चे माजी सरपंच, उपसरपंच, खरेदी विक्री समिती अर्जुनी मोर. चे संचालक, एक मनमिळाऊ व निस्वार्थ जनतेची अहोरात्र सेवा करनारे जेष्ठ सामाजिक कार्यकर्ते, नवेगांवबांध निवासी रघुनाथ हगरुजी लांजेवार यांचे आज दि.27 जानेवारी रोज शुक्रवार ला दुपारी 2:30 वाजता भंडारा येथील खाजगी रुग्णालयात निधन झाले. मृत्युसमयी ते 72 वर्षाचे होते. उद्या दि.28 जानेवारी रोज शनिवार ला सकाळी 10.00 वाजता नवेगांवबांध येथील स्मशानभूमीत अंत्यसंस्कार करण्यात येणार आहे. त्यांचे मृत्युपश्च्यात पत्नी, दोन मुले, दोन मुली व बराच मोठा परिवार आहे.
भाजपाचे जेष्ठ नेते रघुनाथ लांजेवार यांचे निधनाने अर्जुनी मोर. विधानसभा क्षेत्रांतील भारतिय जनता पक्षाची प्रचंड हाणी झाली असुन,पक्षाने एक तळमळीचा व निष्ठावावान नेता गमावल्याची प्रतिक्रिया माजी सामाजिक न्याय व विशेष सहाय्य मंत्री राजकुमार बडोले यांनी व्यक्त केली आहे.
