by मराठवाडा, कोकण, मध्य महाराष्ट्र, विदर्भात मेघगर्जना, वादळी वाऱ्यासह पावसाचा अंदाज...
मागील दोन पावसांपासून राज्यात ऊन पावसाचा खेळ सुरु आहे. दिवसा भयंकर उकाड्यानंतर संध्याकाळपासून मुसळधार पावसाला सुरुवात होते. औरंगाबाद, मुंबई, नवी मुंबई, ठाणे, पुण्यासह अनेक ठिकाणी काल रात्रीपासून विजांच्या गडगडाटासह मुसळधार पावसाने हजेरी लावली आहे. यात कोकण, मध्य महाराष्ट्र, मराठवाडा, विदर्भात मेघगर्जना, वादळी वाऱ्यासह पावसाचा अंदाज वर्तवण्यात आला आहे.
राज्यातील औरंगाबाद, सांगली, कोल्हापूर, उस्मानाबाद, बुलडाणा, अकोला, वाशीम, अमरावती, वर्धा, यवतमाळ, नागपूर, भंडारा, गोंदिया, गडचिरोली, चंद्रपूर रायगड, रत्नागिरी, सिंधदुर्ग, नाशिक, नगर, पुणे, सातारा, सोलापूर या जिल्ह्यात जोरदार पाऊस पडण्याची शक्यता हवामान विभागाने दिली आहे.
