by राज्यात राजकीय पेच निर्माण झाल्याने ५० विधानसभा सदस्यांना सुरक्षतेच्या दृष्टीकोनातून वाय प्लस ( Y + ) दर्जाची सुरक्षा पुरविण्यात आली. त्याअनुषंगाने चंद्रपूरचे आमदार किशोर जोरगेवार यांच्या निवासस्थान “ राजमाता " निवास , कोतवाली वार्ड , चंद्रपूर व जनसंपर्क कार्यालय , जैन भवन जवळ , पठाणपुरा रोड चंद्रपूर येथे अतिरिक्त पोलीस यंत्रणा कार्यान्वित करून सुरक्षेकरिता सशस्त्र पोलीस शिपायांची नेमणूक करण्यात आली होती. मात्र, आता राज्यात युतीचे सरकार स्थापन झाले असून, सर्वत्र कायदा व सुव्यवस्था सुरळीत आहे. त्यामुळे पुरविण्यात आलेली वाय प्लस (Y +) दर्जाची सुरक्षा कमी करण्याची मागणी आमदार जोरगेवार यांनी केली आहे.
Y सिक्युरिटी म्हणजे काय ?
यामध्ये एकूण ११ जवानांची सुरक्षा प्राप्त होते, ज्यामध्ये एक किंवा दोन कमांडोज असतात. तसेच दोन पर्सनल सिक्युरिटी ऑफिसर्स पण सोबत असतात. व्यक्ती सोबत असणाऱ्या एका सुरक्षा रक्षकाकडे ९ एमएम ची पिस्तुल तर एकाकडे स्टेन गन असते. यामध्ये एका सशस्त्र जवानाची सुरक्षा त्या व्यक्तीच्या घराला दिली जाते.
