by आज दिनांक 09/04/2021 रोजी चंद्रपूर परिक्षेत्रातील उपक्षेत्र दुर्गापूर नियतक्षेत्र पायली - भटाळी मधील कक्ष क्रमांक 880 मध्ये क्षेत्रीय कर्मचाऱ्यांना गस्ती दरम्यान सकाळी 9.30 वाजताच्या सुमारास वन्यप्राणी बिबट ( मादी ) मृत अवस्थेत आढळून आला. शवविच्छेदन अहवाल अप्राप्त असून सदर बिबट्याचा मृत्यू दोन वन्यप्राण्याच्या झुंजीमुळे झाला असावा, असा प्राथमिक अंदाज आहे. दुसरी घटना चंद्रपुर वनविभागा अंतर्गत सावली परिक्षेत्रातील नियतक्षेत्र चकपिरंजी मौजा - बोथली येथील शेतशिवारात घङली.
आज दिनांक 09/04/2021 रोजी चंद्रपूर परिक्षेत्रातील उपक्षेत्र दुर्गापूर नियतक्षेत्र पायली - भटाळी मधील कक्ष क्रमांक 880 मध्ये क्षेत्रीय कर्मचाऱ्यांना गस्ती दरम्यान सकाळी 9.30 वाजताच्या सुमारास वन्यप्राणी बिबट ( मादी ) मृत अवस्थेत आढळून आला. शवविच्छेदन अहवाल अप्राप्त असून सदर बिबट्याचा मृत्यू दोन वन्यप्राण्याच्या झुंजीमुळे झाला असावा, असा प्राथमिक अंदाज आहे.
सदर घटनेची माहिती मिळताच श्री.आर.ए.कारेकर, वनपरिक्षेत्र अधिकारी , चंद्रपूर ( प्रादेशिक) व श्री. बंडू धोतरे , अध्यक्ष ECO - Pro, चंद्रपूर यांनी घटनास्थळी जाऊन पाहणी केली असता मृत बिबट वयस्क व शाबूत स्थितीत आढळून आला.
त्यानंतर कु.एस.व्ही.जगताप , विभागीय वनअधिकारी , चंद्रपूर यांनी घटनास्थळी येऊन मृत बिबट्याची पाहणी केली . सदर मृत बिबट्याचे शवविच्छेदन डॉ.बावणे , पशुवैद्यकीय अधिकारी , पशुसंवर्धन जिल्हा पशुवैद्यकीय सर्व चिकित्सालय , चंद्रपूर व त्यांचे सहकारी तसेच कु.एस.व्ही.जगताप , विभागीय वनअधिकारी, चंद्रपूर श्री. आर.ए.कारेकर, वनपरिक्षेत्र अधिकारी , चंद्रपूर ( प्रादेशिक ) , यांचे समक्ष ( Standard Operating Procedure मानक कार्यपद्धती सूचना नुसार करण्यात येऊन TTC , चंद्रपूर येथे दहन करण्यात आले .
चंद्रपुर वनविभागा अंतर्गत सावली परिक्षेत्रातील नियतक्षेत्र चकपिरंजी , मौजा - बोथली येथील शेतशिवारात श्री.व्ही.जी.चौधरी , वनरक्षक चकपिरंजी है गस्त करित असतांना बोथली शिवेमधुन जाणाऱ्या नाल्याच्या जवळ गट क्रमांक 211 मध्ये बिबट ( नर ) मृत्यु पावलेला दिसला . याची माहिती वरिष्ठांना मिळताच श्री. एस. एल. लखमावाइ , सहाय्यक वनसंरक्षक, वनपरिक्षेत्र अधिकारी सावली, क्षेत्र सहाय्यक सावली व श्री . जांभुळे पशुधन विकास अधिकारी , पंचायत समिती मुल , डॉ . रविकांत खोब्रागडे , पशुवैद्यकीय अधिकारी , ताडोबा अंधारी व्याघ्र प्रकल्प , चंद्रपूर , श्री . डॉ . कुंदन पोडचलदार , पशुवैद्यकीय अधिकारी , TTC चंद्रपुर , श्री मुकेश भांदककर , अपर प्रधान मुख्य वनसंरक्षक ( वन्यजिव ) यांचे प्रतिनीधी व श्री . उमेशसिह तेजसिह झिरे , WPSI सदस्य मुल यांनी सदर बिबटचे पाहणी केली . पंचासमक्ष सदर मृत बिबटची तपासणी केली असता बिबट नर असुन त्याचे वय अंदाजे 8 वर्ष असल्याचे दिसून आले . सदर बिबटाचे नखे , मिशा , दात हया सर्व शाबुत होते . सदर बिबटचे शवविच्छेदन दरम्यान शरीर कुजलेल्या अवस्थेत असल्यामुळे मृत्यूचे नेमके कारण सांगता येणार नाही असे पशुधन विकास अधिकारी यांचे चमुने सांगीतले . सदर नृत बिबटचे शवविच्छेदन करून दहन करण्यात आले .
