by 
महिला व बाल विकास विभागाच्या अधिकाऱ्यांशी केली चर्चा
चंद्रपूर, दि. 13 मे: महाराष्ट्र राज्य महिला आयोगाच्या अध्यक्षा विजया रहाटकर यांनी राजूरा येथील निवासी वसतिगृह प्रकरणाबाबत भेट दिली. याप्रसंगी त्यांनी महिला व बालविकास कार्यालयाचे जिल्हा महिला व बालविकास अधिकारी तसेच बालकल्याण समितीचे अध्यक्ष वर्षा जामदार, मनीषा नखाते तसेच जिल्हा बाल संरक्षण कक्षाचे जिल्हा बाल संरक्षण अधिकारी अजय साखरकर यांच्याशी आदिवासी आश्रम शाळा येथील पीडित बालिकाबाबत केलेल्या कारवाई व समुपदेशन बाबत चर्चा केली.
तसेच पीडित बालिकांना बालकल्याण समितीसमोर हजर केल्याचे व नंतर बालिकांना पालकांच्या ताब्यात दिल्या बाबत माहिती जाणून घेतली. यावेळी त्यांनी महिला व बालविकास अधिकारी अपर्णा कोल्हे यांना मौखिक सूचना देऊन जिल्हा बाल संरक्षण कक्षामार्फत आदिवासी विभागाअंतर्गत आश्रमशाळातील बालकांच्या शैक्षणिक प्रवेशाबाबत बालक तसेच पालक यांना समुपदेशन करावे अशा सूचना दिल्या.
