- पिंपळवंडी येथे आरोपीस अटक
जुन्नर /आनंद कांबळे
जुन्नर तालुक्यातील पिंपळवंडी येथील अभंगवस्ती परिसरात मंगळवारी पोलिसांच्या स्थानिक गुन्हे अन्वेषण विभागाने सापळा रचून बॉम्ब सदृश्य वस्तू तसेच इतर घातक हत्यारांसह आरोपीस अटक केली.
पिंपळवंडी येथील अभंगवस्ती (भटकळवाडी) परिसरात स्फोटक पावडरसदृश्य वस्तू तसेच इतर घातक शस्त्रे असल्याची माहिती पोलिसांना मिळाली होती.या नुसार पथकाने सापळा रचून आरोपी राजाराम किसन अभंग (वय 60,रा.अभंगवस्ती पिंपळवंडी) यास अटक केली असल्याची माहिती,पोलीस निरीक्षक पद्माकर घनवट यांनी दिली. या वेळी संबंधीत आरोपिकडे 2 भाले,1 पाईप गण(बंदूक),1 तलवार,1 हेलमेट,1 चिलखत,तसेच स्फोटक पावडरसदृश्य वस्तू आदी साहित्य सापडले. या ठिकाणी बॉम्बशोधक पथकानेही भेट दिली असून पंचनामा करण्यात आल्याचे सांगण्यात आले आहे.या ठिकाणी 2003 मध्येही असाच प्रकार घडला होता.