by
पुरस्काराने विद्यार्थी सन्मानित
वाडी ( नागपूर ) / अरूण कराळे:
दत्तवाडी येथील शिलादेवी पब्लिक स्कूलच्या परीसरात स्केटिंग स्पर्धा बुधवार २७ फेब्रुवारी रोजी आयोजीत केली . या स्पर्धेत शिलादेवी पब्लिक स्कूल ,दिल्ली पब्लीक स्कूल ,जैन इंटरनॅशनल स्कूल ,चंदादेवी पब्लिक स्कूलच्या विद्यार्थांनी उत्साहपूर्वक या स्पर्धेत भाग घेतला होता.
स्केटिंग स्पर्धेचे उदघाटन शिलादेवी पब्लिक स्कूलचे संचालक आशा गर्ग यांच्या हस्ते करण्यात आले. स्पर्धेत प्रथम , द्वितीय व तृतीय पुरस्कार प्राप्त विद्यार्थी दार्षिका खांटे,नयंशा सिंग, पलक चौरसिया, ओम मिश्रा,हर्षीता कासा, जान्वही कासा, तनय यादव,निहाल पडोले यांना शिलादेवी पब्लिक स्कूलचे मुख्य कार्यकारी अधिकारी व स्पर्धेचे आयोजक आकाश गर्ग ,प्राचार्य हामीद अली खान यांच्या हस्ते प्रमाणपत्र व मेडल देण्यात आले . यावेळी कोच रतन सिंग,कुणाल दांडेकर,अमृत पोतदार,विशाल वानखेडे तसेच शिक्षक व शिक्षकेत्तर कर्मचाऱ्यांनी सहकार्य केले .
