by 
नागपूर, दि. 16 : प्रधानमंत्री नरेंद्र मोदी यांचे भारतीय हवाईदलाच्या विशेष विमानाने नवी दिल्ली येथून डॉ. बाबासाहेब आंबेडकर आंतरराष्ट्रीय विमानतळावर सकाळी 9.50 वाजता आगमन झाले. विमानतळावर प्रधानमंत्री यांचे राज्यपाल सी. विद्यासागर राव, मुख्यमंत्री देवेंद्र फडणवीस यांनी स्वागत केले.
प्रधानमंत्री नरेंद्र मोदी यांचे केंद्रीय भूपृष्ठ वाहतूक मंत्री नितीन गडकरी, पालकमंत्री चंद्रशेखर बावनकुळे, महापौर श्रीमती नंदाताई जिचकार यांनी स्वागत केले.
यावेळी विभागीय आयुक्त डॉ. संजीव कुमार, अतिरिक्त पोलीस महासंचालक परमवीर सिंह, पोलीस आयुक्त डॉ. भूषणकुमार उपाध्याय, जिल्हाधिकारी अश्विन मुदगल यांनी प्रधानमंत्री यांचे स्वागत केले. विमानतळावर स्वागताचा स्वीकार करुन यवतमाळ जिल्ह्यातील पांढरकवडा येथे आयोजित कार्यक्रमासाठी भारतीय हवाईदलाच्या विशेष हेलिकॉप्टरने येथून रवाना झाले.
प्रधानमंत्री नरेंद्र मोदी यांचे पांढरकवडा येथील नियोजित कार्यक्रमानंतर हेलिकॉप्टरने डॉ. बाबासाहेब आंबेडकर आंतरराष्ट्रीय विमानतळावर दुपारी 1.30 वाजता आगमन झाले. येथून भारतीय हवाईदलाच्या विशेष विमानाने जळगावसाठी प्रयाण झाले. विमानतळावर निरोप देण्यासाठी राज्यपाल सी. विद्यासागर राव, मुख्यमंत्री देवेंद्र फडणवीस, केंद्रीय मंत्री नितीन गडकरी, पालकमंत्री चंद्रशेखर बावनकुळे, महापौर श्रीमती नंदाताई जिचकार, पोलीस आयुक्त डॉ. भूषणकुमार उपाध्याय, जिल्हाधिकारी अश्विन मुदगल आदी अधिकारी उपस्थित होते.
