by 
गेल्या कित्तेक दिवसांपासून रखडलेल्या चंद्रपूर शिवसेनेच्या शहर कार्यकारणीच्या नियुक्या अखेर बुधवारी आ.बाळूभाऊ धानोरकर, जिल्हा प्रमुख अनिल धानोरकर, जिल्हा प्रमुख सतीश भिवगडे, उपजिल्हा प्रमुख किशोर जोरगेवार, युवासेना जिल्हा प्रमुख संदीप गिर्हे, महिला जिल्हा प्रमुख डॉ.भारती दुधानी, शिक्षक सेना जिल्हाध्यक्ष राजेश नायडू, शहर प्रमुख सुरेश पचारे यांच्या मार्गदर्शनात जाहीर करण्यात आल्या. यात शहर प्रसिद्धी प्रमुख पदी श्री अजय कोंडलेवार, उपशहर प्रमुख पदी अब्बास भाई, श्री संदीप कष्टी, विशाल मत्ते आदींची नियुक्ती करत त्यांना नियुक्ती पत्र देण्यात आले.
यावेळी नवनियुक्त पदाधीका-यांचे अभिनंदन करताना शिवसेना उपजिल्हा प्रमुख तथा चंद्रपूर विधानसभा प्रमुख किशोर जोरगेवार म्हणाले, पक्षश्रेष्ठीने दिलेल्या पदांमार्फत तळागळातील जनतेचे प्रश्न सोडविण्याकरिता आपल्यावर टाकलेला विश्वास आहे. पद हा दागिना असून यातून सामान्यांचे प्रश्न सोडविण्याचे बळ आपणांस प्राप्त झाले आहे. गाव तेथे शिवसेना घर तेथे शिवसैनिक हे स्व.बाळासाहेबांच्या स्वप्नपूर्ती करिता प्रत्येक शिवसेना पदाधीकारी तथा शिवसैनिक प्रयत्न करणार असल्याचेही ते यावेळी बोलतांना म्हणाले.त्यामुळे कार्यकर्त्यांच्या झालेल्या नियुक्या हि एक त्यांची जबाबदारी असूनते योग्य रित्या पार पडतील असा विश्वास देखील यावेळी जोरगेवार यांनी व्यक्त केला.
दरम्यान नवनियुक्त पदाधिकार्यांना शिवसेना जिल्हा प्रमुख सतीश भिवगडे, उपजिल्हा प्रमुख किशोर जोरगेवार, महिला जिल्हा प्रमुख डॉ. भारती दुधानी, शिक्षक सेना जिल्हा प्रमुख राजेश नायडू, शहर प्रमुख सुरेश पचारे, माजी उपशहर प्रमुख विनोद गरडवा, संतोषी चव्हाण, वंदना हातगावकर यांचे हस्ते नियुक्त पत्र देण्यात आले.
