गुरुवार, फेब्रुवारी २२, २०१८

नक्षल्यांकडून पोलिस पाटलाची हत्या

गडचिरोली/प्रतिनिधी:

बुधवारी रात्री एटापल्ली तालुक्यातील लांजी येथील पोलिस पाटलाची दगडाने ठेचून व नंतर गळा चिरुन नक्षलवाद्यांनी हत्या केली. कटिया पैका कुमोटी(५४) असे मृत पोलिस पाटलाचे नाव आहे.

कटिया कुमोटी हे बुधवारी पत्नी, मुलगा व सुनेसह आपल्या शेतात गेले होते. रात्री ११ वाजताच्या सुमारास १५ ते २० हातात शस्त्र नक्षलवादी शेतावर गेले. त्यांनी पोलिस पाटील कटिया कुमोटी यास बाहेर नेले. कटियाच्या पत्नीने जाब विचारला असता नक्षल्यांनी काहीही उत्तर दिले नाही. गुरुवारी सकाळी गावा बाहेरच्या जंगलात कटियाचा मृतदेह आढळून आला. त्याच्या डोक्यावर दगडाने प्रहार करुन नंतर गळा चिरण्यात आला, अशी प्राथमिक माहिती आहे. काही दिवसांपूर्वी लांजी गावानजीकच्या जंगलात चकमक उडाली होती. या चकमकीत एक नक्षलवादी ठार झाला होता. त्यामुळे नक्षलवाद्यांचा कटिया पैका कुमोटी पोलिस खबऱ्या असल्याच्या संशय होता याच संशयावरुन नक्षल्यांनी कटिया कुमोटी याची हत्या केली असावी, असा अंदाज आहे सध्या वर्तविल्या जात आहे.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.