by 
चंद्रपूर- शहर जिल्हा कॉंग्रेस कमिटी चंद्रपूर द्वारा आयोजित राष्ट्रमाता प्रियदर्शिनी इंदिरा गांधी जन्म शताब्दी महोत्सव या निमित्य नुकत्याच झालेल्या वयोगट ७ ते १२ वर्षातील मिनी मॅरेथान ( मुले ) स्पर्धेत आदर्श विद्यार्थी युवक मंडळातील धावपटू मोहन सावरकर याने द्वितीय क्रमांक तसेच गणेश मोरेश्वर पारशिवे याने तृतीय क्रमांक पटकावून मंडळाचे नावलौकिक केले.
झालेल्या स्पर्धेच्या यशाबद्दल सदर स्पर्धकांचे आदर्श विद्यार्थी युवक मंडळाच्या मैदानावर मा. प्रा. सुनिल डाखोळे, मा. महादेवभाऊ कुंभारे, विजू खाडिलकर, कैलाश किरडे व प्रा. विक्की पेटकर यांच्या हस्ते हार व पुष्पगुच्छ देऊन त्यांचे स्वागत करण्यात आले होते. सदर कार्यक्रमात मंडळातील कबड्डी खेडाळू सुनील झोडे, पदमवीर यादव, तन्मय तोडसे, सुरज परसूटकर, संग्राम डाखोळे, कैलाश कामातवार, भारत कामतवार, नयन कुंभारे, मनोज जसराम, शुभम ठाकूर, हर्षल क्षीरसागर, प्रसाद चट्टे, आशिष कायरकर इत्यादी उपस्थित होते.
