by 
नागपूर आणि लगतच्या भागात रविवारी दुपारी झालेल्या वादळी वारा व मुसलाधार पावसामुळे अनेक भागात वृक्षाच्या फांद्या आणि वृक्ष वीज वितरण यंत्रणेवर पडले. यामुळे अनेक भागातील वीजपुरवठा काही काळासाठी खंडित झाला होता. महावितरण कर्मचार्यांनी अग्निशमन कर्मचाऱ्यांच्या कर्मचाऱ्यांच्या सहकार्याने वीज वितरण यंत्रणेवर पडलेले वृक्ष आणि फांद्या बाजूला सारून बहुतांश भागातील वीजपुरवठा तत्परतेने सुरळीत करण्यात महावितरणला यश मिळाले.
शहरातील प्रतापनगर, टेलिकॉमनगर, बेसा, पांडे लेआऊट, अंबाझरी लेआऊट, विद्यापीठ परिसर मार्ग, शंकरनगर, धंतोली, रमना मारोती आदी भागात वीज वितरण रोहित्र आणि वाहिणांवर वृक्ष उन्मळून पडले तर काही भागात वृक्षाच्या फांद्या तुटून पडल्या, बेसा येथे तर जाहिराीचा फ्लेक्स बोर्ड उडून वाहिन्यांमध्ये अडकला यामुळे या भागातील वीजपुरवठा काही वेळेसाठी खंडित झाला होता. महावितरण कर्मचार्यांनी अग्निशमन विभागाच्या सहकार्याने वीज यंत्रणेवर पडलेले वृक्ष दूर करीत तत्परतेने दुरुस्ती कार्य करीत बहुतांश भागातील वीज पुरवठा सुरळीत करीत वीज ग्राहकांना दिलासा दिला.
फ्लेक्स बोर्डणुळे अडचणी
जाहिरातींचे फ्लेक्स बोर्ड वाऱ्यामुळे उडून वीज वाहिन्यांमध्ये अडकल्याने अनेक भागात वीजपुरवठा खंडित झाल्यामुळे ग्राहकांना मनस्ताप सहन करावा लागला, याशिवाय अश्या फ्लेक्समुळे वीजपुरवठा सुरळीत करताना अनेक अडचणी येतात. ग्राहकांनी फ्लेक्स लावताना योग्य ती खबरदारी घेतल्यास भविष्यात असे प्रसंग होणार नाहीत, असे आवाहन महावितरणतर्फे करण्यात आले आहे.
