by 
एम्पॉवर हर उपक्रमांतर्गत आयटीआय चंद्रपूरला सॅनिटरी पॅड वेंडिंग मशीन मंगळवारी भेट करण्यात आले. मुख्य व्यवस्थापक रायकवार सर, प्राचार्य रवी मेहंदळे व इतर मान्यवरांच्या उपस्थितीत नागपूर विभागाचे उपप्रादेशिक प्रमुख राजेश यादव यांच्या हस्ते मशिनचे वाटप करण्यात आले. संस्थेतील विद्यार्थिनी आणि कर्मचाऱ्यांना सॅनिटरी पॅडची सुलभ आणि परवडणारी उपलब्धता करणे आणि मासिक पाळीची स्वच्छता आणि जनजागृती करणे हे या मशीनचे उद्दीष्ट आहे.
या मशिनची निर्मिती करणाऱ्या ऑरेंज टेक्नो या कंपनीचे संस्थापक अविनाश ठाकरे यांनी मशीनचा वापर कसा करावा आणि त्याची वैशिष्ट्ये याबाबत प्रात्यक्षिक दिले. वापरलेल्या पॅडची सुरक्षित विल्हेवाट लावण्यासाठी नाण्यावर चालणारे इन्सिनरेटरही आहे. हे मशिन पर्यावरणपूरक आणि ऊर्जाकार्यक्षम असून कोणत्याही सार्वजनिक ठिकाणी ते बसवता येईल, असेही ते म्हणाले.
महिला व मुलींना शिक्षण, आरोग्य आणि उपजीविकेच्या संधी उपलब्ध करून देऊन त्यांचे सक्षमीकरण करणे हा नागपूर विभागाचा सामाजिक जबाबदारीचा प्रकल्प आहे. या उपक्रमाने महाविद्यालयांना सॅनिटरी पॅड वेंडिंग मशिन भेट केले असून भविष्यात त्याची व्याप्ती वाढविण्याची योजना आहे.
या कार्यक्रमाला अनेक विद्यार्थी, कर्मचारी आणि प्रसारमाध्यमांनी उपस्थित राहून या उपक्रमाचे कौतुक केले आणि देणगीदारांचे आभार मानले. संस्थेचे मुख्याध्यापक रवी मेहंदळे यांनी आभार मानून संस्थेच्या महिला सदस्यांसाठी हे यंत्र वरदान ठरेल व मासिक पाळीशी निगडित कलंक व आव्हानांवर मात करण्यास मदत होईल, असे सांगितले
हा कार्यक्रम यशस्वी करण्यासाठी चंद्रपूर मुख्य शाखेचे शाखा व्यवस्थापक धीरज गवई व मुळरोड शाखेचे व्यवस्थापक मंगल कुत्तरमारे यांनी परिश्रम घेतले.
आमच्या संस्थेत हे मशीन मिळाल्यामुळे मी खूप आनंदी आणि आभारी आहे. हे आपल्या मासिक पाळीदरम्यान आपले जीवन अधिक सोपे आणि आरामदायक बनवेल. आम्हाला बाहेरून पॅड विकत घेण्याची किंवा आपल्या बॅगेत घेऊन जाण्याची चिंता करावी लागणार नाही. आम्ही त्यांची सुरक्षित आणि स्वच्छतेने विल्हेवाट लावू शकू. हे मशीन आमच्यासाठी वरदान च आहे.- विद्यार्थिनी
