by 
कारंजा घाडगे- तालुक्यातील चिंचोली येथे आज दि,27 शनिवार ला सायंकाळ च्या सुमारास विजेच्या कडकडाट आणि गारपीट सह पावसाचे आगमन झाले, सायंकाळी ५:३० वाजता सुरू झालेल्या पावसामुळे रौद्र रूप धारण करत ३० मिनिटांच्या कालावधीत सर्वत्र थैमान घातले व गावातील काही लोकांच्या घरांचे मोठ्या प्रमाणात नुकसान झाले आहे. त्यात किसना सोनोने यांच्या घरावरील संपूर्ण टीनाचे छत रस्त्यापलिकडे उडाले.
तर देविदास डिग्रसे यांच्या पाळण्यात झोपून असलेल्या नातवाला चक्क दोन मिनिटे आधी काढून घेतल्यामुळे सुदैवाने बचावला कारण पुढील दोनच मिनिटात छतासह पाळणाही उडून गेला.
ग्रामपंचायतीच्या परिसरातील सोलार पॅनल चे सुद्धा मोठ्या प्रमाणात नुकसान झाले आहे, हवेच्या जोरदार वेगाने विजेच्या तारा तुटून पडल्या त्यामुळे गावात अंधार पडला आहे. शासकीय यंत्रणेने घटनास्थळी जाऊन पाहणी करून आर्थिक मदत घ्यावी अशी गावकऱ्यांची मागणी आहे.
