by 
नागपूर : शिवस्मारकाच्या उंचीवरुन गोंधळ सुरु असताना 'भलत्या' शब्दावरुन विधानसभेत जोरदार गदारोळ झाला. भाजपचे आमदार अतुल भातखळकरांनी शिवस्मारकाच्या विषयावर बोलताना 'भलत्या विषयावरुन' या शब्दाचा वापर केला. अन विरोधी पक्षाचे आमदार चांगलेच आक्रमक झाले. आमदार अतुल भातखळकर यांना तातडीने निलंबित करा, अन्यथा सभागृह चालू देणार नाही, अशी भूमिका राष्ट्रवादीचे ज्येष्ठ नेते आणि माजी उपमुख्यमंत्री अजित पवारांनी घेतली. त्यामुळे या मुद्द्यावरुन तब्बल तीनवेळा विधानसभेच कामकाज तहकूब करण्यात आले. आमदार अतुल भातखळकरांनी सभागृहाची माफी मागितल्या नंतर पून्हा सभागृहाचे कामकाज सुरु झाले. विधानसभे चे अध्यक्ष यांनी मध्यस्ती केल्यानंतर हा वाद मिटला.
