by 
नागपूर पारेषण झोन भंडारा विभागांतर्गत १३२ के. व्ही. उपकेंद्र आसगाव येथे वार्ताफलकाचे अनावरण करण्यात आले.कार्यक्रमाच्या अध्यक्षस्थानी महाराष्ट्र वीज कामगार महासंघाचे शंकरराव पहाडे, तर उद्घाटक म्हणून कार्यकारी अभियंता किशोर भोयर, प्रमुख अतिथी उपमहामंत्री संजय दंडारे, कार्यसमिती सदस्य दत्ताजी धामणकर उपस्थित होते. यावेळी सर्व मान्यवरांच्या हस्ते वार्ताफलकाचे अनावरण करण्यात आले. कार्यक्रमाला वीज वितरण कंपनीचे लाखांदूर उपविभाग व भंडारा विभागीय
कार्यालयातील पारेषणचे सभासद प्रामुख्याने उपस्थित होते. प्रास्ताविकातून संतोष जाधव यांनी भंडारा विभागात सर्व उपकेंद्रात महाराष्ट्र वीज कामगार महासंघाचे वार्ताकलक लावण्यात येणार असल्याचे सांगून, या फलकावर कंपनीतील घडामोडी लिहाव्या, जेणेकरून सर्वसाधारण सभासदांनाही घडामोडींची माहिती मिळू शकेल, अशी अपेक्षा व्यक्त केली. याप्रसंगी इतर मान्यवरांनीही मोलाचे मार्गदर्शन केले.
कार्यक्रमाचे संचालन विभागीय सचिव विनोद पेशने यांनी, तर आभारपदर्शन सर्कल सेक्रेटरी महाराष्ट्र वीज कामगार महासंघ परेशान नागपूरचे विलासकुमार लेंडे यांनी केले. कार्यक्रमाच्या यशस्वितेसाठी नरेंद्र भुरे, विजय कुभंलकर व आसगाव उपकेंद्रातील सर्व कर्मचारी तथा सुरक्षारक्षकांनी सहकार्य केले.
