by बल्लारपूर रेल्वे पूल अपघात : मृत महिलेच्या कुटुंबातील सदस्याला रेल्वेत नोकरी द्या
खासदार बाळू धानोरकर यांची मागणी
Ballarpur railway bridge accident
Ballarpur railway bridge accident
चंद्रपूर जिल्ह्यातील बल्लारशा रेल्वे स्थानकावर ओवर ब्रीज तुटल्याने झालेल्या दुर्घटनेत एका महिलेचा मृत्यू झाला. नीलिमा रंगारी असे या शिक्षिका असलेल्या मृत महिलेचे नाव असून, त्याच्या कुटंबीयांना आर्थिक साहाह्यासोबतच कुटुंबातील एकाला रेल्वेमध्ये नोकरी देण्याची मागणी खासदार बाळू धानोरकर यांनी केली आहे. यासंदर्भात केंद्रीय रेल्वे मंत्र्यांकडे पाठपुरावा केले जाईल अशी माहिती देखील त्यांनी दिली.
चंद्रपूर आणि बल्लारशा रेल्वे स्थानकाला सुंदर रेल्वे स्थानकाचे नामांकन देण्यात आले होते. मात्र सौंदर्यकरणासोबत मजबुतीकरण झालेली नाही, असे या घटनेवरून दिसून येते. त्यामुळे रेल्वे ओवर ब्रिजचे काम करणाऱ्या कंत्राटदारावर गुन्हा दाखल करण्यात यावा, अशी मागणी देखील खासदार धानोरकर यांनी केली आहे.
