by 
किल्ले पन्हाळगडावर Panhala fort मुसळधार पाऊसांमूळे तटबंदी, आणि काही बुरुज ढासळले असून,अनेक ठिकाणी भेगा पडत आहेत. यासंदर्भात मा. मुख्यमंत्री एकनाथजी शिंदे, उपमुख्यमंत्री मा. देवेंद्र फडणवीस, व केंद्रीय पुरातत्व विभाग यांना पत्र पाठवून लक्ष देण्याची विनंती संभाजी छत्रपती यांनी केली आहे.
महाराष्ट्रातील ऐतिहासिकदृष्ट्या महत्वाच्या किल्ल्यांपैकी एक असलेल्या आणि करवीर छत्रपतींची राजधानी म्हणून ओळखला जाणारा किल्ले पन्हाळगड अखेरची घटका मोजत आहे. पावसामुळे किल्ल्याची तटबंदी आणि बुरुज ढासळले असून अनेक ठिकाणी भेगाही पडत आहेत.
कोल्हापूर जिल्ह्याला गेल्या काही वर्षांपासून महापुराचा सामना करावा लागतोय, या संततधार पावसामुळे पन्हाळा किल्ल्याचे अस्तित्व सुद्धा धोक्यात आले असून किल्ल्याच्या पायथ्याशी असलेले ग्रामस्थ ही इथे दिवस रात्र भीतीच्या छायेत जगत आहेत. बुरुज आणि तटबंदी कोसळल्यामुळे पायथ्याशी असलेल्या गावात मोठमोठे दगड आणि पाण्याचे लोट येत आहेत. दुर्दैवाने काही जीवितहानी झाली तर याला जबाबदार कोण, प्रशासन याकडे कानाडोळा करत आहे असे चित्र दिसते.
किल्ले पन्हाळगडावर मुसळधार पाऊसांमूळे तटबंदी, आणि काही बुरुज ढासळले असून,अनेक ठिकाणी भेगा पडत आहेत. यासंदर्भात मा. मुख्यमंत्री एकनाथजी शिंदे, उपमुख्यमंत्री मा. देवेंद्र फडणवीस, व केंद्रीय पुरातत्व विभाग यांना पत्र पाठवून लक्ष देण्याची विनंती केली.
— Sambhaji Chhatrapati (@YuvrajSambhaji) July 12, 2022
https://t.co/k1uPlt0ghY
अश्यातच पन्हाळ्याला केंद्रीय पुरात्तव खात्याचा पूर्ण वेळ प्रभारी अधिकारी नसल्याने राज्य शासनाची हि जबाबदारी ठरते. वेळीच किल्ल्याची डागडुजी व संवर्धन केलं नाही तर हा छत्रपती शिवाजी महाराज आणि छत्रपती ताराराणी यांच्या पराक्रमाचा वारसा लाभलेला ऐतिहासिक ठेवा नष्ट होण्याची भीती व्यक्त केली जात आहे. पन्हाळगडाकडे दुर्लक्ष करणाऱ्या प्रशासन व नगरपालिके बाबत शिवप्रेमी तीव्र नाराजी व्यक्त करत आहेत. आपण यामध्ये तातडीने लक्ष घालून प्रशासनाला योग्य त्या उपाययोजना तातडीने करण्याचे आदेश द्यावेत, हि विनंती संभाजी छत्रपती यांनी केली आहे.
