by 
-
"निराधार व युवकांचे प्रश्न व समस्या सोडविण्यासाठी मी सदैव जनतेच्या सेवेसाठी तत्पर आहे" अशी भावप्रधान भावना माजी मंत्री मा. रमेश बंग यांनी व्यक्त केली. ते प्रदेश राष्ट्रवादी काँग्रेस पार्टी तर्फे ज्येष्ठ नेते खासदार प्रफुल्ल पटेल ह्यांच्या वाढदिवसानिमित्त आयोजित कार्यक्रमात शांती विद्या भवन, डिगडोह, हिंगणा रोड, नागपूर येथे कार्यक्रमाचे अध्यक्ष या नात्याने बोलत होते. याप्रसंगी माजी केंद्रीय मंत्री सुबोध मोहिते व अनिल अहिरकर यांनी आपले मनोगत व्यक्त केले. खा. प्रफुल्ल पटेल ह्यांच्या वाढदिवसाचे निमित्त साधून गरजूंना ब्लॅंकेट वितरण व गरजू विद्यार्थ्यांना नोटबुक व फळ वाटपाचा कार्यक्रम मा. माजी मंत्री रमेशचंद्रजी बंग माजी केंद्रीय मंत्री श्री. सुबोधजी मोहिते यांच्या हस्ते संपन्न झाले. कार्यक्रमाला प्रदेश उपाध्यक्ष अनिलजी अहीरकर तसेच जि. प. सदस्या रश्मीताई कोटगुले प्रामुख्याने उपस्थित होत्या. हा कार्यक्रम मा. सुनीलजी रायसोनी, मा. विकासजी पिंचा तसेच उद्योगपती मा. दिनेशजी केजरीवाल ह्यांच्या सौजन्याने व सहकार्याने आयोजन करण्यात आला होता. कार्यक्रमाचे आयोजक दिलीप पनकुले, प्रदीपजी कोटगुले, विजय कोटगुले व फैजल शेख यांनी केले असून याप्रसंगी शिवसेनेचे अभिजित शेंडे, नितीन रडके, योगेश मोहुर्ले, ललित चौधरी, आशिष फरकाडे, धीरज शेंडे यांनी राष्ट्रवादी काँग्रेस पक्षात प्रवेश केला. कार्यक्रमाला अंकित कोल्हे, शशीकर चतुर्वेदी, श्रीधर मसराम, अंजली कोटगुले व गावकरी मंडळी जास्तीत जास्त संख्येने उपस्थित होती.
कार्यक्रमाचे आभारप्रदर्शन श्री. संजय शेवाळे यांनी केले.
