बुधवार, ऑगस्ट २६, २०२०

सोयाबीन पिकावर आलेल्या रोगाची पाहणी करा

हिंगणा तालुक्यातील सोयाबीन पिकावर आलेल्या रोगाची पाहणी करा

भाजपा हिंगणाचे तहसीलदारांना निवेदन

नागपूर / अरूण कराळे ( खबरबात )

हिंगणा विधानसभा क्षेत्रातील शेतकऱ्यांच्या शेतात उभ्या असलेल्या सोयाबीन पिकावर आलेल्या अनभिज्ञ अशा पिवळया रोगांमुळे सर्व शेतकऱ्यांचे अतोनात नुकसान झाले आहे . पीकावर आलेल्या रोगाची सत्यपरीस्थिती शासनाच्या निदर्शनात आणून देण्याकरीता हिंगणा विधानसभेचे आमदार श्री समीर मेघे यांच्या मार्गदर्शनात पुढाकाराने भारतीय जनता पार्टी हिंगणा व डिगडोह मंडळाचे अध्यक्ष श्री धनराजजी आष्ट्णकर व श्री .सुरेशजी काळबांडे यांच्या नेतृत्वात हिंगणा तालुक्यातील शेतकऱ्यांना नुकसानभरपाई मिळावी या हेतूने सोयाबीन पिकांच्या नुकसानीची तातडीने चौकशी करून अहवाल शासनाकडे पाठविण्याच्या मागणीचे निवेदन हिंगणाचे तहसीलदार संतोषजी खांडरे यांना निवेदन देण्यात आले.

यावेळी विशाल भोसले, वानाडोंगरी नगर परिषदच्या नगराध्यक्षा सौ.वर्षाताई शहाकार, विकास दाभेकर, देवेन्द्र आष्ट्णकर, कैलास गिरी, सतिशजी शहाकार, प्रविण घवघवे, भक्तराज भोयर, दादाराव मसराम, नलुबाई आवारी, अनिताताई गुप्ता, छायाताई कऱ्हाडकर, गीताताई ठाकरे यांचेसह पक्षाचे पदाधिकारी व कार्यकर्ते उपस्थित होते.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.