कारंजा/प्रतींनिधी:
येथील झोपडपट्टीतील इंदिरानगर येथे नाकाबंदी करून देववाडी(बेडा) येथुन आलेल्या एका मोटर सायकल अडवून त्यांच्याकडील ३० लीटर गावठी दारू जप्त करण्याची कामगिरी कारंजा (घा.) पोलिसांनी बजावली आहे.
माहितीनुसार, आरोपी रावेश भोसले देववाडी(बेडा) येथून कारंजा पोलिस स्टेशन परिसरात खासगी वाहनाने गावठी दारू घेऊन येत असल्याची गुप्त माहिती कारंजा पोलिस स्टेशन ला मिळाली. Tya माहितीच्या आधारे पोलीस निरीक्षक राजेंद्र शेटे व टीम ने इंदिरानगर भागात नाकेबंदी करत असताना एक मोटर सायकल येताना दिसली. त्याला थांबण्यास सांगितले असता त्याने पळ काढण्याचा प्रयत्न केला. त्याचा पाठलाग करून अथक प्रयत्नानंतर इंदिरानगर येथील जितसिंग दुधारी यांच्या घरासमोर त्यांना अडवण्यात आले. तिथे झालेल्या झटापटीत आरोपी रावेष भोसले हा अंधाराचा फायदा घेऊन पसार झाला.
परंतु, त्याचा सहकारी राजेश सुरांसिंग पवार (वय २१) याला अटक करून त्यांच्याकडील अंदाजे ६ हजार रुपये किंमतीची ३० लीटर गावठी दारु, मोटर सायकल व अन्य मुद्देमाल जप्त करण्यात आला. तपासाअंती संपूर्ण गावठी दारु नष्ट करण्यात आली. दरम्यान, आरोपी राजेश सुरनसिंग पवार (२१) व फरार आरोपी रावेश भोसले, दोन्ही रा. देववाडी यांचे विरुद्ध कलम ६५ (अ),(ई), ८३ महाराष्ट्र दारुबंदी कायद्यांतर्गत गुन्हा दाखल केला आहे.