by 
नागपूर, १६ नवंबर २०१९: नागपूर सुधार प्रन्यासच्या दक्षिण विभागातील खसरा क्रमांक ७३, शुक्ला नगर, हावरापेठ या अभिन्यासातील ९ मीटर रस्त्यावरील अनधिकृत बांधकाम/अतिक्रमण काढण्यात येत आहे. आज शुक्रवार, दिनांक १६ नवंबर २०१९ रोजी जेसीबी व टिप्परच्या अतिक्रमण हटविण्यात आले. सलग २ दिवस चालणाऱ्या या कारवाईत नासुप्रतर्फे तब्बल १९ अनधिकृत बांधकाम काढण्यात येत असून शुक्रवार रात्री उशिरा पर्यंत कारवाई चालणार आहे.
नासुप्रच्या रिट पिटिशन १८५८/२०१८ या न्यायालयीन प्रकरणात मा. उच्च न्यायालयाने दिलेल्या आदेशान्वये नासुप्रचे सभापती यांच्या निर्देशाप्रमाणे व मुख्य अभियंता (मुख्यालय) यांच्या नेतृत्वात सदर कारवाई करण्यात येत आहे. कारवाई दरम्यान नासुप्रच्या दक्षिण विभागातील कार्यकारी अभियंता श्री. एस एन चिमुरकर, विभागीय अधिकारी (दक्षिण) श्री. अनिल राठोड, सहायक अभियंता श्रेणी-२ श्री. संदीप राऊत, स्थापत्य अभियांत्रिकी सहाय्यक श्री. रवी रामटेके व नासुप्रचे क्षतिपथक प्रमुख श्री. वसंत कन्हेरे तसेच अजनी पोलीस ठाण्याचे वरिष्ठ पोलीस निरीक्षक यांच्यासह इतर अधिकारी व कर्मचारी उपस्थित होते.
