by
नागपूर / अरूण कराळे:
खाजगी बसमधील अवैध पार्सलच्या विरोधात शिवसेना महाराष्ट्र वाहतूक सेना आक्रमक झाली असून पदाधिकाऱ्यांनी मंगळवार १९ मार्च रोजी नागपूर काटोल मार्गावरुन जाणारी महिंद्रा ट्रॅवल्स बस नंबर ओडी १७ जी १५३९ या खाजगी बस मध्ये अवैध पार्सल आढळून आल्यामुळे आरटीओच्या अधिकाऱ्यांना माहीती देऊन ते वाहन जमा केले .
आश्चर्य म्हणजे ही खाजगी बस सूरत ते राजनांदगांव पर्यत जात होती महाराष्ट्र मध्ये प्रवेश केल्यावर आणि महाराष्ट्र सोडल्यावर महाराष्ट्राचे आरटीओ बैरियर्स क्रॉस करून जावे लागते . तिथे आरटीओचे अधिकारी असुनही या खाजगी बस वर कुठलीच कारवाई झाली नाही . सध्या लोकसभा निवडणूकीची आचार संहिता लागली असल्यामुळे प्रत्येक नाक्यावर खाजगी वाहनाची तपासणी सुरू आहे . या ट्रॅवल्स वर अवैद्य पार्सल दुरुनच दिसून येत असूनही कानाडोळा करीत असल्याचा आरोप शिवसेनेच्या पदाधिकाऱ्यांनी केला आहे . एक महीना अगोदर परिवहन मंत्री दिवाकर रावते यांनी अवैद्य पार्सल वाहणाऱ्या खाजगी बस जप्त करण्याचे आदेश दिले होते . तरीही महाराष्ट्रात अवैद्य पार्सल चा गोरखधंदा शुरू आहे . अवैद्य पार्सल वाहतुकीचा गोरखधंदा हाणून पाडण्याचा ठाव शिवसेना महाराष्ट्र वाहतुक सेनेचे जिल्हाप्रमुख गणेश कान्हारकर ,कार्याध्यक्ष भाऊराव रेवतकर, मनोज बरगट, लालसिंह ठाकुर,सचिव अखिलेश सिंह, नागपुर उपाध्यक्ष राकेश अग्रवाल , स्वप्निलबोरोडे,राम सिंह, अभय वर्मा, रिंकू अग्रवाल यांनी हाणून पाडला .
