by 
मनोज चिचघरे/भंडारा प्रतिनिधी
लाखांदूर : तालुक्यातील खैरी मासळ येथे गोसीखुर्द प्रकल्पाच्या डाव्या कालव्याच्या पार सरळीकरणाचे काम सुरू आहे.
काम करीत असताना झालेल्या अपघातात ट्रॅक्टर खाली दबून चालक ठार झाल्याची घटना मंगळवारी दुपारी तीन वाजेच्या दरम्यान खैरी मासळ येथे घडली. निकेश मानकर वय (३२) वर्ष रा, मागंली असे मृतकाचे नाव आहे. निकेश मानकर हा ट्रॅक्टरच्या सहाय्याने पार सरळीकरण करीत होता.
अचानक त्यांचा तोल गेल्याने तो खाली पडला व त्यांच्या अंगावर ट्रॅक्टर पलटी होऊन तो दाबला गेला. त्यामुळे घटनास्थळीचं त्याचा मृत्यू झाला. घटनेची माहिती लाखांदूर पोलिसांना देण्यात आली. पोलिस तपास लाखांदूर पोलिस करीत आहे.
