नुकसान भरपाईकरिता कृषी रोपवाटिकेत मृतदेहासह आंदोलन
हिरापूर, ता सावली- येथील युवक मजूर वृंदन गेडाम हा युवक मजुर व्याहाड खुर्द येथील कृषी रोपवाटिकेत कामावर असताना 12 मार्चला विजेचा करंट लागून गंभीर जखमी झाला होता. उपचाराकरिता नागपूर येथील शासकीय रुग्णालयात भरती केले मात्र आज त्याचा मृत्यू झाला. कृषी विभागाने त्याचे कुटुंबियांना आर्थिक भरपाई द्यावी या मागणीसाठी पंचायत समिती सदस्य विजय कोरेवार यांचे नेतृत्वात मृतदेहासह आंदोलन केले. यानंतर कृषी अधिकारी मडावी यांनी 2 लाखाची भरपाई देण्याचे आश्वासन दिल्यानंतर अंत्यविधी करण्यात आली. यावेळी आदिवासी संघटनेचे अध्यक्ष केशवजी तिरणीक, अतुलभाऊ कोडापे, मुन्नाभाऊ स्वामी, नितीनभाऊ गोहणे यासह गावकरी व नातेवाईक मोठया प्रमाणात होते. ठाणेदार धुळे साहेब, नायब तहसीलदार चिडे साहेब यांनी मध्यस्थीची भूमिका घेत प्रकरण शांत केले