by
मिशन सेवा अंतर्गत युनिक ॲकॅडमीचे मार्गदर्शन
चंद्रपूर/प्रतिनिधी:
चंद्रपूर जिल्हयामध्ये जिल्हा प्रशासनातर्फे राबविण्यात येत असलेल्या मिशन सेवा प्रकल्प व द युनिक ॲकॅडमी यांच्या संयुक्त विद्यमाने पीएसआय, एसटीआय व एएसओ या पदासाठी होणा-या संयुक्त पूर्व परिक्षेसाठी तीन दिवसीय मोफत कार्यशाळेचे आयोजन करण्यात आले आहे.
सदर कार्यशाळा प्रिदर्शनी इंदीरा गांधी सभागृह येथे दिनांक 4 ते 6 मार्च 2019 या कालवधीत आयोजित केली. या कार्यशाळेला महाराष्ट्रात अग्रक्रमी असलेल्या द युनिक ॲकॅडमी स्पर्धा परीक्षा क्षेत्रातील मान्यवर मार्गदर्शक म्हणून उपस्थित राहणार आहेत. यामध्ये द युनिक ॲकॅडमीचे केंद्र प्रमुख बापू गायकवाड, वैभव राऊत, संतोष शिरगावकर, राहुल नव्हते, किरणे वानखडे, मिलींद पाटील इत्यादी मान्यवर मार्गदर्शन करणार आहेत. तेव्हा जिल्हयातील स्पर्धा परीक्षा तयारी करणा-या सर्व विद्यार्थ्यांनी या कार्यशाळेचा लाभ घेण्यासाठी मोठया संख्येने विद्यार्थ्यांनी उपस्थित राहण्याचे आवाहन जिल्हा प्रशासन व द युनिक ॲकॅडमी यांनी केले आहे. याबाबत अधिक माहितीसाठी मिशन सेवा व द युनिक ॲकॅडमी यांच्याशी संपर्क साधावा असे आयोजकांनी कळविले आहे. महाविद्यालयीन विद्यार्थ्यांनी या मोफत कार्यशाळेतून आगामी मेगा भरतीसाठी मार्गदर्शन घ्यावे, असे आवाहनही करण्यात आले आहे.
