by  |
सकाळपासुनच पुसेसावळीतील बाजारपेठेत शुकशुकाट
राजु पिसाळ (कराड)
पुसेसावळी : खटाव तालुक्यातील पुसेसावळीमध्ये आज पुलवामा येथे भारतीय जवानांवरती झालेल्या भ्याड हल्ल्याच्या निर्षेधात पुसेसावळीत उस्फूर्तपणे बंद पाळण्यात आला होता. पुसेसावळीसह परिसरातील गावामध्येही बाजारपेठ बंद होत्या.
तसेच चोराडेतील जिल्हा परिषद शाळेच्या वतीने प्रभात फेरी काढुन अमर अमर रहे शहिद जवान अमर रहे, जब तक सुरज चाॅद रहेगा वीर जवानोंका नाम रहेगा अशा घोषणा देऊन पुलवामा येथे शहिद झालेल्या जवानांना जि.प.शाळा पटांगणात श्रद्धांजली वाहिन्यात आली.
त्यामुळे आजच्या दिवशी या भागात शुकशुकाट जाणवत होता, तसेच पुसेसावळी बाजारपेठेतील व्यापारीवर्गाने शंभर टक्के बंदमध्ये सहभाग नोंदवल्यामुळे पुर्ण बाजारपेठेत शुकशुकाट होता.
या भ्याड हल्ल्याचा निषेध करित या परिसरातील लोकांनी आता सरकारने गप्प न बसता जश्यास तसे उत्तर दिले पाहिजे अशा तीव्र भावना व्यक्त केल्या, आणि शहिदांना दत्त चौकात श्रद्धांजली वाहण्यात आली.
