by आरोपीस दहा ऑक्टोबरपर्यंत पोलीस कोठडी
रामटेक तालुका प्रतिनिधी- मध्य प्रदेशातील सिवनी येथील पीडित तरुणीला लग्नाचे आमिष दाखवून वारंवार रामटेक येथील मूनलाइट हॉटेल मध्ये आणून तिच्याशी शरीर संबंध स्थापन करणाऱ्या आरोपीस रामटेक पोलिसांनी 7 आँक्टोंबर 2018 रोजी अटक केली. आरोपीला रामटेकच्या प्रथम श्रेणी न्यायदंडाधिकारी यांच्या न्यायालयात हजर करण्यात आले.
याबाबत सविस्तर वृत्त असे की मौजा कुरई चांदणी चौक येथील रहिवासी श्याम नरेंद्र हिरकणे वय 25 वर्षे याने सिवनी मध्य प्रदेश येथील 24 वर्षे वयाच्या तरुणीस लग्नाचे आमिष दाखवून रामटेक येथील मूनलाइट हॉटेल मध्ये आणून वारंवार शरीरसंबंध स्थापन केले. पीडितेने याबाबत 20/08/2018 रोजी मध्यप्रदेशातील कुरई पोलीस ठाण्यात फिर्याद दाखल केली सदर गुन्हा मध्यप्रदेश पोलिसांनी घटनास्थळ रामटेक असल्याने रामटेक पोलिसांना वर्ग केला पोलिसांनी याबाबत 30/08/2018 रोजी भारतीय दंडविधानाच्या 376 कलमाखाली अपराध क्रमांक 481/2018 नोंदविला. या दरम्यान या प्रकरणाचे तपास अधिकारी पोलीस उपनिरीक्षक किशोर कुमार वैरागडे त्यांचे सहकारी पोलीस शिपाई अतुल बांते, मनीष सुखदेवे यांनी अत्यंत परिश्रमपूर्वक या प्रकरणातील आरोपी यास 07/10/2018 रोजी तिरोडा तालुक्यातील नागझिरा हॉटेल येथे स्वयंपाकी चे काम करीत असलेल्या श्याम नरेंद्र हिरकणे यास अटक केली. न्यायालयाने आरोपीस 10 ऑक्टोबर 2018 पर्यंत पोलीस कोठडीत ठेवण्याचे आदेश दिले आहेत. पुढील तपास पोलीस निरीक्षक दीपक वंजारी यांचे मार्गदर्शन पोलीस उपनिरीक्षक वैरागडे करीत आहे.
