by कार्यक्रमाच्या अध्यक्षस्थानी ना. सुधीर मुनगंटीवार
कर्मवीर पुरस्कार व वार्षिक स्पर्धा पुरस्काराचे वितरण
चंद्रपूर/प्रतिनिधी :-
चंद्रपूर श्रमिक पत्रकार संघाच्या वतीने दरवर्षी दिल्या जाणा-या कर्मवीर पुरस्कार व विविध स्पर्धा पुरस्काराचे वितरण राज्याचे अर्थमंत्री तथा जिल्ह्याचे पालकमंत्री सुधीर मुनगंटीवार आणि ज्येष्ठ पत्रकार , विश्व साहित्य संमेलनाचे पूर्वाध्यक्ष संजय आवटे यांच्या उपस्थितीत होणार आहे.
कार्यक्रमाचे प्रमुख अतिथी म्हणून जिल्हाधिकारी डॉ. कुणाल खेमनार, जिल्हा पोलीस अधीक्षक डॉ. महेश्वर रेड्डी यांची उपस्थिती राहणार आहे. यावेळी पत्रकार संघाच्या वतीने दिला जाणारा प्रतिष्ठेचा कर्मवीर पुरस्कार मान्यवरांच्या हस्ते प्रदान करण्यात येणार आहे. यंदा ज्येष्ठ पत्रकार अरुण दिवाण आणि विजय बनपुरकर याना हा पुरस्कार दिला जाणार आहे. हा सोहळा चंद्रपूर जिल्हा मध्यवर्ती सह. बँकेच्या मुख्य शाखेतील पहिल्या माळ्यावर असलेल्या सुसज्ज 'कर्मवीर सभागृहात' ७ ऑक्टोबर २०१८ रोजी दुपारी १२ वाजता होणार आहे. या कार्यक्रमात पत्रकार संघाच्या स्व. छगनलाल खजांची स्मृती शुभवार्ता पुरस्कार, लोकसेवा व विकास प्रतिष्ठानच्या वतीने दिला जाणारा ‘मानवी स्वारस्य अभिरुची पुरस्कार, ग्रामीण वार्ता पुरस्कार, इतिहास अभ्यासक अशोकसिंग ठाकूर यांच्यातर्फे प्रायोजित हौशी छायाचित्रकारांसाठीचा वृत्तछायाचित्र स्पर्धा पुरस्कार तसेच स्व. श्रीमती सुशीला राजेंद्र दीक्षित यांच्या स्मृतिप्रीत्यर्थ उत्कृष्ट वृत्तांकन (टीव्ही) पुरस्काराचे वितरण केले जाणार आहे. या कार्यक्रमाला उपस्थित राहण्याचे आवाहन चंद्रपूर श्रमिक पत्रकार संघाच्या वतीने करण्यात आले आहे.
