गुरुवार, एप्रिल ११, २०१३

पाथरी जंगलात वाघाच्या हल्ल्यात महिला ठार

चंद्रपूर- गुढीपाडव्याच्या दिवशी सावली ताकुक्यातील पाथरी जंगलात सकाळी साडेसातच्या दरम्यान एका वाघाने महिलेचा फडशा पाडल्याची घटना घडली. वनविकास महामंडळाच्या पाथरी जंगलातील कक्ष क्रमांक १६२मध्ये पाथरी येथील रहिवासी ललीता आनंदराव पेंदाम (५० वर्ष) ही महिला मोहफुले गोळा करण्यासाठी गेली होती. यावेळी बेसावध असलेल्या ललीता पेंदाम यांच्यावर वाघाने झडप घातली. वाघाच्या हल्ल्यात त्यांचा मृत्यू झाला. या घटनेमुळे नागरिकांमध्ये रोष असून परिसरातील वातावरणात तणाव निर्माण झाला आहे. यामुळे परिसरात खळबळ माजली असून रहिवाशांनी वनविभागाच्या कारभारवर नाराजी व्यक्त केली आहे. दरम्यान, चंद्रपूर जिल्ह्यातील मागील १५ दिवसांत पाच जणांचा मृत्यू हा वाघ व बिबट्याच्या हल्ल्यात झाला आहे. बुधवारी ताडोबा-अंधारी व्याघ्र प्रकल्पाच्या परिसरात बिबट्याने दोन जणांचा बळी घेताला होता.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.