by 
बाहेरच्या जगाचे जेव्हा लॉक_डाऊन झाले त्याचवेळी घर मात्र पुन्हा जिवंत झाले.
Home_Quarantine ची एक Positive कविता...
"🏠 घरपण येऊ लागले.."
घरात घरचे जसे परतले,
घरास घरपण येऊ लागले !
आजोळीच्या परी कथेतील,
रूप गोजिरे दिसु लागले !
माझे-माझे करणार्याचे,
बंधन तुटले हव्यासाचे !
बडेजाव ते खोटेनाटे,
तुटून पडले असे दिखावे!
ना त्यांचा जो नात्यांचा झाला,
सुखदुःखाचे समजुन जगणे!
फांद्यांवरती आले परतून,
जे पक्षी समुद्रापार उडाले !
तुळस अंगणी पुन्हा बहरली,
लाड पुरवले उंबरठ्याने !
माणुस काही माणसातले,
माणुस आता होऊ लागले!
धकाधकीचे जीवन थोडे,
श्वासं मोकळे घेऊ लागले !
घरात घरचे जसे परतले,
घरास घरपण येऊ लागले !!
✍️ चैतन्य मातुरकर - चैतन्यमय्
ब्रम्हपुरी, जिल्हा- चंद्रपूर
मो. ९२२५२०११८०
