Top News

सरकारी शाळा बंद करण्याचा निर्णय त्वरित रद्द करा

पुरोगामी पत्रकार संघाचे तहसीलदार मार्फत मुख्यमंत्र्यांना पत्र शिरीष उगे (भद्रावती प्रतिनिधी) भद्रावती : राज्य शासनाने सरकारी शाळेच्या संदर्भ...

ads

शनिवार, एप्रिल २७, २०१३

बिबट पिंज-यात सापडला

चंद्रपूर- ताडोबा- अंधारी व्याघ्र प्रकल्पासह जिल्ह्यात बिबट आणि वाघाचा धुमाकूळ सुरु असून, वन विभागाने लावलेल्या पिंज-यात एक पूर्ण वाढीचा नर बिबट्या सापडला.
जंगलात सध्या नरभक्षक बिबट्याचा धुमाकूळ सुरु आहे. एकाच बिबट्याने आता पर्यंत ७ जणांचे बळी घेतले आहेत. या बिबट्याला गोळी घालून ठार करण्यासाठी ६ शूटर्स तैनात करण्यात आले आहेत. गेले ५ दिवस बिबट्याने कुठलाही बळी घेतलेला नाही. हि समस्या ताडोबा-अंधारी व्याघ्र प्रकल्पा भोवतालच्या बफर क्षेत्रात मुख्यत्वे आढळून आली होती. या बफर क्षेत्रातील अनेक गावात बिबट्या पकडण्यासाठी पिंजरे लावण्यत आले आहेत. यातील एक पिंजरा बोर्डा गावातील जंगलात लावण्यात आला होता. या पिंज-यात एक पूर्ण वाढीचा नर बिबट्या सापडला आहे. हा बिबट्या अडकल्यावर या बिबट्याला  तातडीने चंद्रपूर शहरातील रामबाग वन वाटिकेत आणण्यात आले. हा बिबट्या व ७ जणांचे बळी  घेणारा बिबट्या एकच आहे किंवा काय याबाबत वरिष्ठ अधिकारी काहीही बोलण्यास तयार नाहीत. हा बिबट्या व कथित नरभक्षक  बिबट्याच्या अंगावरील पट्टे व ठिपके यांचा मेळ जुळून आल्यास वन विभागाच्या पिंज-यात योग्य बिबट्या आल्याची पुष्टी होऊ शकते. मात्र अधिकारी सध्या मौन बाळगून असल्याने याबाबत संभ्रमावस्था आहे.

SHARE THIS

Author:

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.