by चंद्रपूर, ३० मार्च
भरधाव दुचाकीवरून चालकाचे नियंत्रण सुटून दुचाकीने ट्रकला धडक दिल्याने झालेल्या अपघातात एका इसमाचा मृत्यू तर दोन युवक गंभीर जखमी झाले. ही घटना शनिवार, ३० मार्चला दुपारी २ वाजताच्या सुमारास कोसारा गावाजवळ घडली. मृतकाचे नाव सुधाकर शिवराम सिडाम (४१, रा. ताडाळी) असून, जखमींची नावे शहामुद्दीन मोहम्मद इनायत अन्सारी (२०) व शब्बीर अन्सारी (२२) अशी आहे.
ताडाळी निवासी सुधाकर सिडाम, शहामुद्दीन मोहम्मद इनायत अन्सारी व शब्बीर अन्सारी हे तिघे काही कामानिमित्य चंद्रपूर येथील न्यायालयात दुचाकीने येत होते. दरम्यान, दुचाकी चालकाचे वाहनावरील नियंत्रण सुटल्याने वाहनाने समोरून येणाèया ट्रकला जबर धडक दिली. यात सुधाकर सिडाम, शहामुद्दीन मोहम्मद इनायत अन्सारी व शब्बीर अन्सारी हे तिघेही गंभीर जखमी झाले. घटनेची माहिती कळताच परिसरातील नागरिकांनी त्यांना चंद्रपूर जिल्हा सामान्य रुग्णालयात उपचारार्थ दाखल केले. मात्र, सुधाकर सिडाम याची प्रकृती qचताजनक झाल्याने त्यांचा उपचारापुर्वीच मृत्यू झाला. याप्रकरणी रामनगर पोलिसांनी गुन्हा दाखल केला असून, घटनेचा पुढील तपास सुरू आहे.
